သတင်းထုတ်လွှင့်ချက် - ( EP - 152 )

သတင်းထုတ်လွှင့်ချက် - ( EP - 152 )<br/><br/>ဇူလိုင်လ ၂၂ ရက်၊ ၂၀၂၃ ခုနှစ်။<br/><br/>တင်ဆက်ပေးမယ့် သတင်းတွေကတော့ ……… စစ်ကောင်စီတပ်ရဲ့ လက်ခတ်တောင် တာဝါတိုင် စခန်းကုန်းကို တော်လှန်ရေးပူးပေါင်းတပ်ဖွဲ့တွေက တိုက်ခိုက်သိမ်းပိုက်ခဲ့ပါတယ်။<br/><br/>ကရင်ပြည်နယ် သံတောင်ကြီးမြို့နယ်၊ ယာဒိုကျေးရွာမှာ တိုက်ပွဲတွေ ဆက်လက်ဖြစ်ပွားနေပါတယ်။ KNU တပ်မဟာ ၆ ဒူးပလာယာခရိုင် ကျုံဒိုးမြို့နယ်မှာတော့ စစ်ကောင်စီတပ်ရဲ့ လက်နက်ကြီး ပစ်ခတ်မှုကြောင့် ကလေးငယ် ၂ ယောက် ထိခိုက်ဒဏ်ရာ ရရှိခဲ့ပါတယ်။<br/><br/>ဧရာဝတီတိုင်းမှာ စစ်ကောင်စီ အုပ်ချုပ်ရေးအဖွဲ့ က လက်ရိုက်အုတ်လုပ်ငန်း အခွန်ကို တစ်နှစ်အတွင်း ၂ ကြိမ်အထိ တိုးမြှင့် ကောက်နေပါတယ်။<br/><br/>သတင်းပေးပို့ချက်ထဲမှာတော့ ကုလသမဂ္ဂအဖွဲ့တွေ၊ အာဆီယံနိုင်ငံတွေရဲ့ စစ်ကောင်စီနဲ့ ပူးပေါင်းမှုက လူသားချင်းစာနာမှု အကူအညီတွေ ဘယ်လို နှောင့်နှေးနေရပါသလဲဆိုတဲ့ သတင်းပေးပို့ချက်ကို ကြားကြရမှာပါ။<br/><br/>သတင်းပေးပိုချက်ထဲမှာတော့ မြန်မာ့အရေးနဲ့ ပတ်သက်ပြီး နိုင်ငံတကာ အပါအဝင်၊ အိမ်နီးချင်းနိုင်ငံတွေကို လက်ရှိ တော်လှန်ရေးကို ဦးဆောင်နေတဲ့ အမျိုးသားညီညွတ်ရေးအစိုးရ (NUG) အနေနဲ့ ဘယ်လိုချဉ်းကပ် လုပ်ဆောင်သင့်သလဲ။ စတဲ့ သုံးသပ်ချက်တွေကို သတင်းပေးပို့ချက်ထဲမှာ ကြားကြရမှာပါ။<br/><br/>သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။