Succès mat der Symphonie espagnole

Mat 52 Joer hat den Edouard Lalo säin éischte grousse Succès: seng "Symphonie espagnole", déi bis haut säi bekanntst Wierk ass. Vu senger Kammermusek, senge weidere Solo-Wierker fir d'Gei, vu senger Symphonie a senger Balletsmusek héiert een haut par contre bal näischt méi. Dorun ännert och den 200. Gebuertsdag vum Edouard Lalo näischt. De Komponist koum de 27. Januar 1823 zu Lille op d'Welt - e Bi-Centenaire, deen an der Musekswelt net vill Echo ausléist.