Far ina litografia è er ina lecziun da chemia

Dapi il 1999 datti il lavuratori da stampar en il chastè da Haldenstein. El è vegnì fundà cun lintent da pussibilitar ad artistas ed artists figurativs in access favuraivel a las tecnicas da stampar classicas. Ed uschia da promover la lavur stampada professiunala. La Marella ha pudì accumpagnar lartista Ursina Gianotti ed il litograf Joachim Dierauer durant la creaziun dad ina litografia. Far ina litografia è ina procedura cumplexa. I dovra temp, pazienza, concentraziun, enconuschientscha da process chemics, in bun maun ed in bun egl per detagls.