Wi snackt Platt: Lohbrügger Börgerbühn, Ohnsorg-Opsichtsraat un Plattbeats

Dütmal geiht dat bi "Wi snackt Platt" üm den plattdüütschen Song-Contest Platt-Beats un en jungen Musiker, de dor mitmaken deit: Lennon vun Seth. Denn sünd ok noch bi de Lohbrügger Börgerbühn in't "Theater am Neuen Weg" in Bardörp (Bergedorf) to Besöök, wo dat vunaf tokamen Sünnavend dat Stück „Amtsnoten“ to beleven gifft. Dorto vertellt wi Jo ok noch wat över dat öllste Literatur-Drapen vun ganz Düütschland, dat Plattdüütsch-Drapen in Bämsen (Bad Bevensen)  - un wat Neets vun’t Ohnsorg-Theater hebbt wi ok noch to vertellen, denn siet düsse Week steiht fast, wokeen in den ne'en Ohnsorg-Opsichtsraat ünner den Vörsitt vun Sandra Keck sitten warrt.

Moderatschoon: Jan Wulf